終於儲夠錢俾首期，可以買樓未？未！俾完首期仲有幾多錢淨先？買樓唔只係俾首樓就夠，唔計裝修搬屋都仲有大把洗費，計埋全部開支，分分鐘要多您一份首期錢！今日同大家睇吓買樓有咩支出！
印花稅 首先，係香港買樓係要俾樓價15%嘅從價印花稅(AVD)，但如果您係香港永久居民，而且係首次置業嘅話就可以豁免呢15%嘅AVD。不過您都係要俾第二標準印花稅率，呢項稅率係按照樓價而定，樓價越高嘅話，您就要俾越多稅。如果啱啱好400萬嘅話您要俾9萬稅，而500萬樓就要俾15萬咁多。另外，印花稅係要喺簽署臨時買賣合約後30日內繳交。
律師費及經紀佣金 買樓就一定要簽好多文件，例如買賣合同、樓契、銀行按揭契等等，所以律師費都係買樓其中一項洗費。費用視乎樓齡同呎數而定。一般律師費大約由3000至10000不等。另外，一般買樓要俾1%嘅經紀佣金，即係話400萬嘅樓就要俾4萬佣金出嚟。如果係新樓盤嘅話，佣金多數會由發展商負責。
按揭保險 如果您係按超過6成以上，係一定要買按揭保險。保費視乎貸款金額及年期而定，大概係貸款金額嘅1.15%-4.35%，按揭嘅金額越高、還款年期越長，保費就越貴，不過您可以照計入按揭貸款額，連埋每個月嘅供款還，利率係一樣嘅。
所以話，俾到首期都唔代表您應該即刻去買樓，起碼要計埋其他洗費，仲要搬屋同裝修，慳極都至少俾多20-30萬啦！
想知道更多關於搬屋/搬office嘅資訊？記得留意我哋嘅Facebook同Instagram啦！ ------- 【高永搬屋教室-課題重溫】 搬屋報價要準備嘅3大基本資料 https://bit.ly/2ZIgUJo 4種搬屋公司收費模式 https://bit.ly/2QXRjY4 ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)
Comments