2020年3月2日

【搬屋問題】點樣先可以做到個精明嘅搬屋消費者？

其實方法好簡單，只需要注意以下幾樣嘢： 1. 報價會否收費，呢個可以話係指標，基本上係冇一間，係冇一間！會收費報價，免費報價係行內常規，如果有公司問您拎報價費，就自己醒目啲喇！

2. 基本上冇搬屋公司會包停車場錢，不過精明嘅您又唔一定要畀，點解呢？因為其實香港有唔少屋苑都有搬屋免2-3小時泊車費嘅優惠，最緊要係您要提早申請，如果唔係就要

原價奉上㗎喇，有啲屋苑要成過百蚊一個鐘㗎！所以一定要留意。

3. 如果您搵嗰間公司係用逐件計嘅方式收費﹐您就要特別留意張搬運清單喇！因為呢類公司通常計起嚟個價錢會比較低，但佢哋真係只會跟個清單去搬，有聽過客人講返，佢哋有時真係多咗一個煲都分開個煲蓋同個煲身嚟計，有時最後隨時會大失預算，要特別小心。

4. 如果您搵嗰間公司係計車數嘅話，你就一定要留意佢架車係咩噸數、車陣有幾長，車高又會有幾高。因為香港特別多高樓大廈，加上車多路窄，有部分公司會有比較短小嘅貨車，如果最後出到嚟架車係最短陣嘅5.5噸車，擺少少嘢就滿車，咁就隨時會比您嘅預算貴好多喇！

5. 除咗收費模式之外，都要留意間公司有冇基本人手保證，有部分公司為咗慳成本，會減少搬運人手去維持盈利，但部分訂單例如要行多層樓梯/全棟獨立屋等，需要較多人手去完成嘅話，隨時會令本來可以一天內完全嘅工作，拖到要兩日，最後造成加收費用，又耽誤您嘅時間，所以大家要特別注意。

我哋而家仲做緊優惠！只要like同follow高永搬屋嘅Facebook同Instagram，搬屋/搬寫字樓即減$100！咁簡單就慳到$100，您都快啲like啦！

想知道更多關於搬屋/搬office嘅資訊？記得留意我哋嘅Facebook同Instagram啦！

最新文章