搬屋其中一樣最煩嘅事就係要包裝同入紙箱，自己做包裝嘅話最怕就係pack得唔好，搞到搬完屋啲嘢爛哂用唔返。有時攞咗搬屋公司啲包裝物料都唔識用，究竟點樣先可以將啲物件pack得整齊穩陣呢？即刻學吓我哋嘅3大包裝要訣啦！
物件分類 無論您係用紅白藍袋定紙箱都好，搬屋包裝時都一定要分類。分類可以令物件更易包裝，亦都令到搬運效率更高。分類方法有好多，例如以必需品、非必需品、封存物品區分。搬到新屋時就可以分到拆箱嘅先後次序。另外您亦都可以以區域去分類，例如睡房、廚房、客廳等，然後再細分易碎、裝飾品、日常用品等等，每箱都用貼紙或Marker寫低分類項目或數字去記認。
鞏固根基 同起樓一樣，地基起得好先穩陣。Pack箱最重要嘅就係底果層，您應該用較硬身較大件嘅物件做底，例如膠桶、鑊、煲等，然後再將其他雜物放入呢啲物品嘅中間，面頭再蓋上軟身物件做保護，物盡其用之餘，亦可利用佢哋硬身嘅特點嚟做一個保護層。
減少空位 Pack箱同砌俄羅斯方塊有啲似，可以填滿所有空間就最好。不過要特別注意箱嘅重量，唔可以擺太多重物喺同一個箱度，以我哋公司嘅標準箱(21x14x15吋)為例，每箱大概可承受15-25kg嘅重量，因為搬運期間紙箱會疊起處理，如果每個紙箱都太重，就會令底層嘅紙箱變形，甚至壓壞箱內物品，而且搬起上嚟亦有機會傷到腰。如果包裝完仲有空位嘅話可以用毛巾、鍋鏟、湯勺等去填滿。
搬屋包裝嘅學問有好多，例如包裝物料嘅使用方法、點樣可以慳啲位、點樣去保護易碎品等。如果真係擔心嘅話，可以交俾搬屋公司去包裝，咁樣就萬無一失啦。 ------⠀ 【高永搬屋教室-課題重溫】⠀ 一般人對搬屋公司嘅3大誤解 https://bit.ly/2SWTCLG 移民搬屋3大貼士 https://bit.ly/3iYQV7c -------⠀ 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)⠀ #高永搬屋 #GoingMoving #高永教室 #搬屋 #搬運 #搬屋公司 #搬運公司 #搬寫字樓 #搬屋報價 #搬屋紙箱 #搬家私 #搬琴 #搬雪櫃 #搬屋教學 #搬屋問題 #搬屋收費 #搬屋價錢 #搬屋吉日 #搬唐樓 #搬村屋 #搬屋貼士 #搬Office #搬辦公室 #包裝方法 #Packing #搬屋紙箱 #搬屋包裝
Comments