對於好多要搬屋嘅人嚟講，搵一間啱嘅搬屋公司都已經係一件難事。有人話搬屋公司會坐地起價，又有人問搬屋係咪一定要比貼士？究竟呢啲講法係啱定錯呢？
誤解1:搬屋係咪越平越好？ 我哋之前都分享過有關搬屋嘅收費模式，但係作為消費者，係咪應該揀一間價錢平啲嘅搬屋公司呢？有啲搬屋公司會用超低價去吸客，然後請一班完全無經驗嘅散工去做，質素無保證之餘，亦有可能喺事後亂收附加費。
我哋建議您可以事先搵定最少3間搬屋公司報價，而且準備好所需嘅基本資料(兩邊大廈名、需搬運物品嘅清單及照片、需要紙箱嘅數量等)，加上其他會影響收費嘅因素，例如裝拆家私、要搬樓梯、轉平台、樓下泊唔泊到貨車等資料一次過報俾搬屋公司，等搬屋公司報一個完整價錢俾您，而您亦可隨時向佢哋詢問有關報價所包括嘅服務。
誤解2:搬屋係咪一定要俾貼士？ 呢個問題相信好多人都會想知，一般嘅搬屋公司都唔會要求客人俾小費，而一啲好嘅搬屋公司甚至喺報價時會表明唔會收任何貼士。您有任何疑問的話都可以事先問清楚搬屋公司。如果當日客人覺得師傅做得好好，想俾茶錢佢哋嘅話，師傅當然無任歡迎啦。
誤解3:網上越多正評越好？ 理論上的而且確係啱嘅，而事實上，各行各業都會有公司「買Likes」嚟宣傳自己。作為一個精明嘅消費者，尤其係宜家嘅資訊咁流通，想知一間公司好唔好，應該要從多方面去了解，以搬屋為例，您可以從公司網站、社交媒體、相關客戶、客人評語等去綜合了解一間搬屋公司。唔係最多好評最傳統嘅搬屋公司就一定係最好，您反而需要搵一間無論價錢、服務質素、客戶服務態度等都係最適合您嘅公司。 ------ 【高永搬屋教室-課題重溫】⠀ 英國移民搬屋三大重點 https://bit.ly/2GIWhX5 4種搬屋公司收費模式 https://bit.ly/2QXRjY4 ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)
留言