喺世邦魏理仕發布嘅「2020全球生活報告」當中，香港繼續蟬聯全球樓價最貴嘅城市。喺呢個樓價咁貴嘅地方入面，有時有啲盤出奇地平，隨咗係業主急放呢啲原因之外，最大可能就係兇宅啦，但係究竟點樣可以查到兇宅呢？
其實冇話有方法可以100%查到兇宅嘅，因為大家對兇宅嘅睇法都唔同，唯有用多幾個方法去check吓。第一個推介大家用嘅就係查兇宅網，網上有啲非官方嘅兇宅資訊網站，收集咗好多命案嘅資料等，不過始終唔係官方提供，建議都係作參考用。
第二個就係去土地註冊處查冊，呢個方法可以睇到每個物業嘅前業主資料。如果業主係過咗身嘅話，上面就會有死亡證嘅紀錄，您可以從中得知死者嘅死因同死亡地點。不過呢個方法只係查到業主，係查唔到租客嘅。
第三個方法就係查銀行估價。一般香港嘅銀行會將所有凶宅資料列入不公開嘅黑名單，如果佢嘅估價遠低於市場價，又或者提供唔到估價俾您，該單位就可能係兇宅。但亦要留意一啲外資嘅銀行未必會有兇宅嘅黑名單。
除咗呢啲方法之外，您亦都可以問吓地產經紀，因為法例上佢哋係有義務同責任話俾您知嘅。不過兇唔兇宅呢啲嘢都係見人見志，有啲人百無禁忌，平啲買/租仲好添！
想知道更多關於搬屋/搬office嘅資訊？記得留意我哋嘅Facebook同Instagram啦！ ------- 【高永搬屋教室-課題重溫】 疫症時期用邊種報價方式好？ https://bit.ly/2PaOkun 八月有咩搬屋吉日？https://bit.ly/2Dqrg84 ------- 高永搬屋官方網站：http://bit.ly/32HNqeO 高永搬屋Instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp) #高永搬屋 #GoingMoving #搬屋公司 #搬運公司 #搬屋 #搬寫字樓 #二手家私 #紙箱 #封箱膠紙 #bubble紙 #包裝物料 #執屋 #搬運 #搬屋報價 #免費上門報價 #免費送紙箱 #搬Office #搬辦公室 #查兇宅 #兇宅
Comments