![搬屋吉日](https://static.wixstatic.com/media/f8c4c4_5f2d9ed8966a45d8b658f708c56d4405~mv2.png/v1/fill/w_980,h_980,al_c,q_90,usm_0.66_1.00_0.01,enc_auto/f8c4c4_5f2d9ed8966a45d8b658f708c56d4405~mv2.png)
點睇通勝擇吉日搬屋?
搬屋係人生大事,就算年輕人覺得百無禁忌,可能屋企嘅長輩都會建議擇吉日入伙,求個心安。其實每個月都有宜搬屋嘅吉日, 當您打開通勝見到當日「宜」字下面有 「移居」、「入宅」,或者「安床」字眼,即係代表適合搬屋、入伙同安放睡床。除咗吉日,通勝都可以查埋吉時。一般通勝會用紅色字表示吉,例如子吉、未吉、寅中、辰中等字都係適宜入伙,只要唔係喺黑色字嘅時辰入伙就可以。
另外,亦可以注意相沖嘅生肖, 一般通勝會寫住當日某個地支會沖剋某個地支(每個地支代表一個生肖),例如您選擇喺子日進行入伙儀式,即肖鼠者沖剋肖馬者,如果屋企入面有屬馬嘅家人喺子日入伙,進行入伙儀式嘅時候最好就迴避一下喇。
除咗擇日搬屋 仲可以做啲咩?
想趨吉避凶,除咗擇吉日搬屋之外,仲有其他入伙習俗可以做㗎,其中一種就係拜四角。新居入伙前拜四角係寓意向新屋嘅土地神明示好。您可以喺裝修前進行拜四角儀式,坊間有好多拜四角嘅方法,大致都係需要準備五份祭品,每份祭品都要有生果一個、有殼花生一堆、糖果、肥豬肉一小件等。您可以選擇「以廳嘅四角」,又或者「全屋嘅四角」做單位,然後加上客廳或全屋嘅中心點,一共五個地方進行拜祭。拜祭完畢後請順序收返四角及中心點嘅衣紙,然後進行化寶。拜四角都需要擇吉日,可以選擇「成日」、「定日」或「滿日」等,切忌喺「歲破」、「月破」、「四離」及「四絕」等日子進行拜祭。
搬屋擇日冇通勝?搵高永啦!
如果屋企冇通勝點算好?高永幫您整合咗兩大通勝(廣經堂、聚寶樓)同對比多個網上資料來源,只要上我哋網站,就可以睇晒未來三個月詳細版本嘅吉日月曆!提提大家,一般吉日都會比較多人預約搬屋搬務, 所以如果您想喺吉日搬屋就快啲搵我哋啦!
*請謹記以上資料未必適合每一個人,因為風水命理可能牽涉不同變數,如果您真係要更專業咁去擇嘅話,其實係要搵師傅用屋主八字去睇吓邊日邊個時辰會好啲~
想知道更多關於搬屋/搬office嘅資訊?記得留意我哋嘅Facebook同Instagram啦!
-------
🚚高永搬屋官方網站:http://bit.ly/32HNqeO
🖼高永搬屋instagram:http://bit.ly/2V0dlwx
📲線上報價/查詢:http://bit.ly/goingmoving / +852 5595 7455 (Whatsapp)
#高永搬屋 #GoingMoving #搬屋公司 #搬運公司 #搬屋 #搬寫字樓 #移民 #海外搬遷 #存倉 #搬屋吉日 #通勝 #擇吉日 #廣經堂 #聚寶樓 #拜四角 #風水 #二手家私 #紙箱 #包裝物料 #執屋 #搬運 #搬屋報價 #立即報價
Comments