隨住智能電話越嚟越普及，好多事都可以網上面搞掂，賣盤放盤都唔例外，慳返地產代理佣金之餘，仲可以直接同租客溝通，傾到啱為止先決定都冇問題！今日高生就會同大家了解吓香港三大網上放盤平台，有需要嘅記得Bookmark定喇！
House730
House730係免費報紙《am730》嘅副產品，亦係由中原集團主席施永先生創辦嘅物業買賣搜尋平台，無論係住宅、車位、工商廈、商舖，都可以透過平台進行買賣，網站除咗有一般嘅地圖搵樓，仲設有航拍搵樓、VR網上睇樓及AI人工智能裝修功能，實行全天候多角度睇單位內外結構，方便各位賣家買家可以更容易配對到心水樓盤。用戶只需要完成登記手提電話及電子郵件，就可以填寫業主、代理放盤表格，除咗簡單描述樓盤資料，仲可以使用手機掃瞄QR Code，即時用手機上傳圖片，亦支援連結Facebook或YouTube影片。而放盤收費分為標準盤及星級盤兩種，可以用信用卡、PayPal或銀行轉賬嘅支付方式，唔一定要買金幣。標準盤係指一般放盤，港幣$100可以刊登60日（售）或30日（租）；星級盤就貴啲，港幣$1000放售45日或港幣$500放租30日，但就會有較高嘅曝光機會。 https://www.house730.com/
28Hse 香港屋網
28Hse 香港屋網成立於2005年，宗旨係以中立嘅角色提供有關香港地產市場上嘅資訊，增加市場透明度，幫助地產行業持續健康發展。上年亦從REA Group收購咗另一香港知名地產資訊平台Squarefoot，進一步增加高端住宅市場嘅佔有率。用戶體驗方面，大致上同House730一樣，通過簡單登錄後，就可以刊登樓盤，同樣支援VR及YouTube影片連結，比較特別嘅係，因新冠肺炎疫情關係，28Hse推出電子租約系統，方便用戶快速地、安全地將原本需要面對面嘅簽租約程序，搬到網上完成。放盤收費方面，分普通樓盤（港幣$300/60日）、置頂盤（港幣$500/30日）、黃金置頂盤（港幣$1000/30日）三種，主要係曝光優先排序上嘅分別，另外可以再加港幣$700/15日升級做即走盤，再多1.5倍曝光機會，同樣唔一定要買金幣，可以用信用卡、PayPal、銀行轉賬及轉數快嘅支付方式。 https://www.28hse.com/
Carousell Property
線上交易平台旋轉拍賣Carousell於2020年正式推出樓宇買賣平台Carousell Property，更透過同多間地產及搬遷公司合作，例如美聯物業、Sakura Global、共享工作空間城市工作坊等，為用戶提供樓宇買賣服務之餘，無論係上門維修、搬運、照明接線、清潔等，都可以喺Carousell搵到您需要嘅服務。雖然刊登樓盤嘅時候，冇得上傳VR同其他網站嘅影片，只可以用相及文字描述樓盤狀況，但勝在同買賣二手產品一樣，費用全免！亦可以通過平台內嘅聊天功能即時同商家互動，簡單直接。 https://www.carousell.com.hk/property-for-sale/h-590/
提提大家，大部分嘅放盤平台都需要登記電話並收取驗證碼，不過如果您唔想買家或租客知道您嘅私人電話號碼，甚至係擔心地產代理拎到您電話之後，游說您放盤俾佢哋的話，可以開多張唔需要簽約嘅電話卡，用嚟專門聯絡客戶嘅咁就唔駛擔心喇。
想知道更多關於搬屋/搬Office嘅資訊？記得留意我哋嘅Facebook同Instagram啦！ ------- 高永搬屋官方網站：http://bit.ly/32HNqeO 高永搬屋instagram：http://bit.ly/2V0dlwx 線上報價/查詢：http://bit.ly/goingmoving / +852 5595 7455 (Whatsapp)